Khwaishein

Abhi to suraj uga hi tha... ki din dekhne ki khwaish jagne lagi...
Din ki chamak ankhon me kuch yun padi ki hum ye hi bhool baithe...
ki ye din bhi jaldi beet jayega... aur jeevan ka suraj bhi jaldi hi dhal jayega...
aur raat ka andhera mujhse mera saaya chheen le jayega...

Aaj jab din ke prakash sa mai vibhor hun...
aaj apne prakash se jalkar doosron ko roshni dene layak ban baitha hun...
Fir bhi khud ko kuch kam... kuch akela sa paata hun...
shayad iss tez raftar zindagi me uss khwaish ka wajood dhoondna chahta hun...

Meri wo khwaish aaj kahin gumnaam nazar aati hai...
Iss urjit chitt ke navodit prakash me wah khwaish dhoomil maloom padti hai...
Par aaj bhi us khwaish ki yaad mere zakhm hare kar jaati hai...
kyunki zindagi wapas suryoday ka rukh karna chahti hai...

Mai santusht hun... par fir bhi laachaar hun...
Nisha ke andhere se nahi... par apne tej se khud jhulas jane se darta hun...
Uss khwaish ko paane ki koshish ko waqt asafal bana deta hai..

To be continued....